Gwell Cdwraeth I Safleoedd Dan Warchodaeth Ewropeaidd

Mae’r Rheoliadau Cadwraeth Forol Alltraeth yn berthnasol i bawb sy’n defnyddio’r môr yn yr ardal alltraeth, gan wahardd pobl rhag lladd neu darfu ar Rywogaethau Dan Warchodaeth Ewropeaidd yn fwriadol, gan gynnwys dolffiniaid, crwbanod môr a styrsiynod.

Image by: Cynor Cefn Gwlad Cymru

 

• Print Article
• Email Article

by Cygnor Cefn Gwlad Cymru

July 09, 2007

Fe fydd dolffiniaid, crwbanod môr, dyfrgwn a rhywogaethau eraill dan warchodaeth Ewropeaidd** ar eu hennill yr haf hwn, a hynny gan y byddan nhw’n cael eu gwarchod yn fwy llym.

Bydd cyfreithiau cadarnach yn cael eu creu ar gyfer diogelu Rhywogaethau Dan Warchodaeth Ewropeaidd a’u cynefinoedd. Caiff y cyfreithiau hyn, sy’n gweithredu deddfwriaethau’r UE, eu cyflwyno ar 21 Awst 2007 trwy newid y Rheoliadau Cynefinoedd a thrwy gyflwyno’r Rheoliadau Cadwraeth Forol Alltraeth newydd.

Yn awr, fe fydd yn rhaid i bobl ystyried presenoldeb y rhywogaethau, ynghyd â’u a’u safleoedd bridio a’u mannau gorffwyso, o fewn ystod ehangach o amgylchiadau. Bellach, nid oes modd cynnig amddiffyniad trwy honni mai’n ddamweiniol, neu yn sgil gweithgaredd cyfreithlon, y lladdwyd, y daliwyd neu yr aflonyddwyd ar rywogaethau o’r fath, neu y dinistriwyd neu y difrodwyd eu safleoedd bridio neu eu mannau gorffwyso.

Yn awr, rhaid i’r rhai sydd eisiau meddu ar samplau o rywogaethau dan warchodaeth fod efo rheswm dilys dros wneud hynny, ac fe fydd yn rhaid iddyn nhw ddangos fod y cyfan yn cyd-fynd efo’r Rheoliadau. Fe fydd rheolau llymach yn ymwneud â’r fasnach mewn rhywogaethau dan warchodaeth Ewropeaidd nad ydyn nhw’n rhywogaethau brodorol i’r DU*** yn ffordd o atal pobl rhag lladd neu gymryd rhywogaethau o’r fath o’r gwyllt.

Yn ôl Barry Gardiner, y Gweinidog dros Fioamrywiaeth:

"Fe fydd y newidiadau yn y Rheoliadau Cynefinoedd yn gwarchod mwy ar Rywogaethau Dan Warchodaeth Ewropeaidd. Hefyd, fe fyddan nhw’n gwarchod mwy ar eu cynefinoedd. Yn awr, fe fydd yn rhaid i’r rheini sy’n cynnal gweithgareddau a allai effeithio ar y rhywogaethau yma ystyried a oes angen mynd i’r afael â’r gweithgaredd mewn gwirionedd. Os oes, ac os nad oes modd osgoi effeithio ar y rhywogaethau yma, fe ddylen nhw wneud cais am drwydded gan yr awdurdod perthnasol."

Fe fydd y Rheoliadau Cadwraeth Forol Alltraeth newydd yn ymestyn y warchodaeth i 200 o fôr-filltiroedd.

Yn ôl Ben Bradshaw, y Gweinidog dros y Môr a Physgodfeydd: "Mae rhywogaethau morol, adar gwyllt a chynefinoedd yn cael eu gwarchod yn bennaf trwy gyflwyno cyfreithiau llymach a thrwy warchod amgylchedd y môr mewn modd gwell. Er mwyn cynorthwyo gyda hyn, fe fyddwn hefyd yn nodi ac yn diogelu nifer o Ardaloedd Cadwraeth Arbennig ac Ardaloedd Gwarchodaeth Arbennig allan yn y môr. Byddwn yn ymgynghori ynghylch y saith safle drafft cyntaf yn ddiweddarach eleni.

Fe fydd y Rheoliadau Cadwraeth Forol Alltraeth newydd yn ymestyn y warchodaeth i 200 o fôr-filltiroedd.

 

Mae’r Rheoliadau Cadwraeth Forol Alltraeth yn berthnasol i bawb sy’n defnyddio’r môr yn yr ardal alltraeth, gan wahardd pobl rhag lladd neu darfu ar Rywogaethau Dan Warchodaeth Ewropeaidd yn fwriadol, gan gynnwys dolffiniaid, crwbanod môr a styrsiynod.

1) Fe fydd y ddwy gyfres hyn o Reoliadau yn cyflawni ein rhwymedigaethau i drawsosod y Gyfarwyddeb Cynefinoedd yn llwyr, yn dilyn penderfyniad Llys Cyfiawnder Ewrop. Fe fydd y ddwy gyfres o Reoliadau’n gwahardd pobl rhag dal a lladd rhywogaethau dan warchodaeth, neu ddifrodi eu safleoedd bridio a’u mannau gorffwyso, yn fwriadol. Mae gan y geiriau ‘yn fwriadol’ ystyr eang yn y cyd-destun hwn, gan fod Llys Cyfiawnder Ewrop wedi nodi y dylai’r term gynnwys ‘derbyn y posibilrwydd’ o ddal neu ladd, hyd yn oed os nad dyna oedd y bwriad (gweler paragraff 71 achos Llys Cyfiawnder Ewrop C-221/04).

Mae pysgota môr yn faes sy’n dod dan gyfrifoldeb y Gymuned Ewropeaidd. O’r herwydd, ni fydd y troseddau yn y Rheoliadau hyn yn berthnasol i bysgota a all arwain at sgil-ddaliad yn cynnwys rhywogaethau dan warchodaeth (sef eu dal neu eu lladd yn anfwriadol), cyn belled â bod y rheini sy’n gyfrifol wedi cymryd pob cam rhesymol i gydymffurfio efo’r ddeddfwriaeth sy’n rheoli gweithgareddau pysgota.

2)** Anifeiliaid Dan Warchodaeth Ewropeaidd (sydd â’u dosbarthiad naturiol yn cynnwys y DU):

• Ystlumod Pedol (pob rhywogaeth), Rhinolophidae
• Ystlumod Nodweddiadol (pob rhywogaeth), Vespertilionidae
• Dyfrgwn, Lutra lutra
• Dolffiniaid, llamidyddion a morfilod (pob rhywogaeth), Cetacea
• Pathewod (ond nid pathewod tewion), Muscardinus avellanarius
• Madfallod Dŵr Cribog, Triturus cristatus
• Y Glesyn Mawr, Maculinea arion
• Crwbanod Môr, Caretta caretta, Chelonia mydas, Lepidochelys kempii, Eretmochelys imbricate, Dermocelys coriacea
• Llyffantod y Twyni, Bufo calamita
• Madfallod y Tywod, Lacerta agilis
• Nadroedd Llyfnion, Coronella austiaca
• Styrsiynod, Acipenser sturio
• Cathod Gwylltion, Felis silvestris

** Planhigion Dan Warchodaeth Ewropeaidd (sydd â’u dosbarthiad naturiol yn cynnwys y DU):

• Dyfrforonen Ymlusgol
• Crwynllys Cynnar
• Tegeirian y Fign Galchog
• Llyriad-y-dŵr Arnofiol
• Rhedyn Cilarne
• Esgid Fair
• Tafol y Traeth
• Naiad Ystwyth
• Tormaen Melyn y Gors

***Yn ein deddfwriaethau, caiff Rhywogaethau Dan Warchodaeth Ewropeaidd eu diffinio fel rhywogaethau a restrir yn Atodiad IV y Gyfarwyddeb Cynefinoedd, sydd â’u dosbarthiad naturiol yn cynnwys unrhyw ardal o fewn y DU. Sylwer nad yw troseddau’n ymwneud â meddiannu, rheoli, cludo, gwerthu a chyfnewid o fewn y Rheoliadau newydd yn cael eu cyfyngu i rywogaethau sydd â’u dosbarthiad naturiol yn cynnwys y DU. Gan hynny, defnyddir y term "rhywogaethau dan warchodaeth Ewropeaidd" yn y paragraff uchod wrth gyfeirio at y fasnach mewn rhywogaethau anfrodorol.

3) Newidiadau i’r Rheoliadau Cynefinoedd

I gael mwy o wybodaeth am y newidiadau i’r Rheoliadau Cynefinoedd, edrychwch ar: http://www.defra.gov.uk/wildlife-countryside/ewd/index.htm

Ar gyfer trwyddedau yn Lloegr, a roddir gan Natural England, gellir cael mwy o wybodaeth ar here

I gael mwy o gyngor a gwybodaeth, cysylltwch â’r canlynol:

Wildlife Management and Licensing Service, Natural England, Burghill Road, Westbury-on-Trym, Bristol. BS10 6NJ- Ffôn: 0845 6014523 (cyfradd galwadau lleol)

Ar gyfer trwyddedau yng Nghymru:

Y Tîm Diogelu Rhywogaethau, Cyngor Cefn Gwlad Cymru, Maes y Ffynnon, Penrhosgarnedd, Bangor, Gwynedd LL57 2DW- Ffôn:0845 1306229 / http://www.ccw.gov.uk

Neu:

Cangen Polisi Bioamrywiaeth a Chadwraeth Natur, Is-adran yr Amgylchedd – Cadwraeth a Rheoli, Llywodraeth Cynulliad Cymru, Uned 9 Parc Gwyddoniaeth Cefnllan, Aberystwyth SY23 3AH - Ffôn: 01970 610216

4) Rheoliadau Cadwraeth Forol Alltraeth

I gael mwy o wybodaeth am y Rheoliadau Cadwraeth Forol Alltraeth, edrychwch ar: http://www.defra.gov.uk/marine/biodiversity/index.htm

Asiantaeth y Môr a Physgodfeydd fydd yn gyfrifol am roi trwyddedau bywyd gwyllt dan y Rheoliadau hyn. Fe fydd yn rhaid cynnal profion llym cyn rhoi trwyddedau, er mwyn sicrhau y bydd y rhywogaethau y gall hyn oll yn effeithio arnynt yn cael eu gwarchod yn ddigonol. http://www.mfa.gov.uk

5)Ardaloedd Cadwraeth Arbennig Morol Alltraeth

Mae disgwyl i’r Cydbwyllgor Gwarchod Natur (JNCC), sy’n gyfrifol am nodi Ardaloedd Cadwraeth Arbennig (ACA) ac Ardaloedd Gwarchodaeth Arbennig (AGA) y tu hwnt i 12 môr-filltir, ymgynghori ynghylch y saith ACA morol alltraeth drafft cyntaf yn ddiweddarach eleni.

Dyma’r saith ACA drafft: North Norfolk Sandbanks a Saturn Reef, Haig Fras, Darwin Mounds, Wyville Thomson Ridge, Braemar Pockmarks, Scanner Pockmark, a Stanton Banks.

Mae’r ardaloedd hyn yn cynnwys cynefinoedd prin a/neu gynefinoedd dan fygythiad o fewn amgylchedd y môr, sef rhai sydd angen eu diogelu rhag ambell weithgaredd a all effeithio arnynt.

Bydd modd cael gwybodaeth am y broses ymgynghori ar: www.jncc.gov.uk/marineconsult